Anime on WadamT Blog

Awajima ကျောင်းသူများ

Fri, 08 May 2026 00:00:00 +0000

A Hundred Scenes of Awajima

ဒီကားကတော့ မထွက်ခင် AniOne Asia ကနေတင်လိုက်တဲ့ ပိုစတာကြည့်မိပြီး စိတ်ဝင်စားလို့ trailer သွားကြည့်ဖြစ်ရင်းကြိုက်မိသွားရာကနေ၊ staff တွေအကြောင်းအနည်းငယ်ရှာကြည့်ပြီး ဒီရာသီမှာကြည့်ဖြစ်အောင်ကြည့်မယ်ဆိုပြီး ကြည့်ဖြစ်သွားတာပါ။ ရှေ့ရာသီမှာပြီးခဲ့တဲ့ Journal with Witch ရဲ့နေရာယူမယ့် ဒရာမာကားတစ်ခုပါ။

ဇာတ်လမ်းကတော့ Awajima ဆိုတဲ့ ပြဇာတ်သင်တန်းကျောင်းက ကျောင်းသားတွေအကြောင်းပေါ့။ Trailer ကိုပဲကြည့်ပြီး ဇာတ်လမ်းအကျဥ်းချုပ်ကို မဖတ်ခဲ့တော့၊ အစက Kageki Shojo လိုမျိုး ဇာတ်လိုက်မင်းသမီးတစ်ယောက်နဲ့ ပြဇာတ်အကြောင်းတွေ ကြည့်ရမယ်ဆိုပြီးထင်ခဲ့တာ။ အပိုင်းတစ်ကြည့်ပြီးမှ ဇာတ်ကားနာမည်အတိုင်း Awajima ကျောင်းမှာ တက်ခဲ့တဲ့အရင်ကကျောင်းသားတွေကော လက်ရှိတက်နေတဲ့ကျောင်းသားတွေရဲ့ ဘဝတွေအကြောင်းကော စုပြထားတဲ့ကားမျိုးပါ။

ဇာတ်လမ်းက ဇာတ်လိုက်မင်းသမီးတစ်ဦးကိုပဲ အထိကမထားပဲ မတူညီတဲ့နောက်ခံကနေလာတဲ့ ကျောင်းသား၊ ဆရာမတွေရဲ့ ကျောင်းမရောက်ခင်အတိတ်ဘဝ၊ ကျောင်းသားဘဝ၊ ဇာတ်စင်ပေါ်ကဘဝတွေအပြင် တစ်ချို့ကျကျောင်းနဲ့လုံးဝမဆိုင်တဲ့ ပြဇာတ်ပရိတ်သတ်တွေ့ရဲ့ဘဝတွေပါတွေ့ရတော့ တစ်ချို့အပိုင်းတွေကျ ဝမ်းနည်းစရာကောင်းသလိုလို၊ တစ်ချို့အပိုင်းတွေကျ ချစ်စရာကောင်းသလို ခံစားချက်မျိုးစုံကိုပေးပါတယ်။ ဇာတ်ကောင်တစ်ယောက်ချင်းစီရဲ့ အမျိုးမျိုးသော မတူညီတဲ့ခက်ခဲမှုတွေကို ဘယ်လိုကြုံတွေ့ ဘယ်လိုဖြတ်ကျော်ခဲ့ရတာတွေကို နောက်ခံတေးသီချင်းညိမ့်ညိမ့်လေးနဲ့ ရေဆေးပန်းချီဆန်ဆန်ပုံတွေနဲ့ပါ animated လုပ်ထားတာတွေက ဇာတ်လမ်းထဲကို ပိုပြီးဆွဲဆောင်မှုရှိစေတယ်။ နောက်ပြီး ကိုယ်တွေအတွက်တော့ ဒီနေ့ထွက်ခဲ့တဲ့ အခန်း ၅ ကတော့ကွက်တိထိမိတယ်၊ မြန်မာကလူအများစုနဲ့လည်း ဒီအခန်းကလိုမျိုး တစ်နည်းမဟုတ်တစ်နည်းနဲ့ ကြုံဖူးကျမယ်ထင်တယ်။

Journal with Witch

Mon, 12 Jan 2026 00:00:00 +0000

ဒီ Winter 2026 ကတော့ Frieren တို့လိုမျိုး၊ ဒုတိယ season နဲ့ကားကောင်းတွေ ပြန်လာတဲ့ရာသီပါ။ အဲ့တာတွေအပြင် အသစ်ထွက်တဲ့ကားကောင်းတွေအများကြီးလည်း တွေ့မိပါတယ်။ အဲ့ထဲမှာမှ နာမည်ကြည့်ပြီး fantasy anime ထင်ပြီးကြည့်မိတဲ့ “Journal with Witch” ဆိုတဲ့ Josei drama ကိုတော်တော်လည်းကြိုက်နေမိပါတယ်။

ဇာတ်လမ်းက အသက် ၁၅နှစ်အရွယ်ကောင်မလေးတစ်ယောက် မိဘတွေဆုံးရှုံးလိုက်ရတယ်။ ရုတ်တရက် ဆုံးသွားတာဆိုတော့ ဝမ်းနည်းတာတွေ မဖြစ်သေးဖူး။ သူ့အဒေါ်က အဲ့တာက မထူးဆန်းဖူးပေါ့၊ အချိန်နဲ့အမျှ တစ်ဖြေးဖြေးဖြစ်လာမှာပေါ့ဆိုပြီး ပြောတယ်။ အဲ့လိုကနေပြီးတော့ အသက် ၃၀ကျော် တစ်ယောက်ထဲနေနေတဲ့ စာရေးဆရာမဖြစ်သူ အဒေါ်နဲ့ ကောင်မလေးက လိုက်နေဖြစ်သွားတယ်။ သူ့အဒေါ်နဲ့ အတူတူနေရင်း မိဘတွေဆုံးရှုံးသွားရတဲ့ ခံစားချက်တစ်ဖြေးဖြေးရလာတဲ့ ဒရာမာဆန်ဆန်နဲ့ ဆွေးဆွေးလေးကို အဒေါ်နေရာကနေပြီးတော့ ကြည့်ရမှာ။

ဒီမှာပိုကောင်းတာက Josei ဆိုတော့ စကားပြောတွေက သဘာဝဆန်တယ်။ အပိုင်း ၂ပိုင်းပဲထွက်သေးပေမယ့် ပါလာတဲ့ character တိုင်းက over မဖြစ်ဘူး။ Episode တိုင်းလို directing နဲ့ music ကလည်း တော်တော်လေးကောင်းတယ်။

Milky Subway The Galaxy Limited Express

Thu, 18 Sep 2025 00:00:00 +0000

Lemmy က c/anime မှာရှယ်ထားလို့တွေ့မိတဲ့ indie Japanese animation နောက်တစ်ခုပါ။ အပိုင်း ၁၂ ပိုင်းရှိပြီး တစ်ပိုင်းမှ ၃ မိနစ်လောက်ပဲရှည်တာမလို့ စုစုပေါင်းကြာချိန်က ပုံမှန် anime တစ်ပိုင်းလောက်ပဲ ကြာပါတယ်။ Website မှာဖော်ပြထားတာကတော့ ၂၀၂၂ လောက်ကထွက်ခဲ့တဲ့ ရုပ်ရှင်ကျောင်းသား Yohei Kameyama ရဲ့ တစ်ကိုယ်တော် 3d animation ဖြစ်တဲ့ Milky☆Highway ရဲ့အဆက်ပါ။

ဇာတ်လမ်းကတော့ Super human Chiharu နဲ့ သူငယ်ချင်း Makina တို့နှစ်ယောက် အာကာသဥပဒေချိုးဖောက်လို့ဖမ်းခံရပြီးနောက် အခြားဖမ်းခံရသူ ၄ ယောက်နဲ့အတူ အများအကျိုးဆောင်ရမယ့်ပြစ်ဒဏ်ချခံရတယ်။ အဲ့လိုနဲ့ ရထားသန့်ရှင်းရေးလုပ်နေရာကနေ ရုတ်တရက်ရထားထွက်သွားလို့ သူတို့ ၆ ယောက်ရထားပေါ်မှာ ဘယ်လို အကွဲအပြဲတွေလုပ်မှာလဲ ကြည့်ရမှာ။

မူရင်း ဂျပန်ဘာသာ အပါအဝင် နောက်ထပ်ဘာသာပေါင်း ၁၀ မျိုးနဲ့ dub လုပ်ထားပါတယ်။ Anime လောကမှာ နာမည်ရထားတဲ့ seiyuu တွေကလည်းပါဝင်ထားပါတယ်။ နာရီဝက် လောက်ပဲကြာပြီး YouTube မှာကြည့်လို့ရတာမလို့ indie animation စိတ်ဝင်စားရင် သွားကြည့်ပါလို့။

ကိုယ့်အတွက် Summer 2025 season ရဲ့ hidden gem anime တစ်ခု

Sat, 23 Aug 2025 00:00:00 +0000

Betrothed to My Sister’s Ex

ခေါင်းစဥ်နဲ့ anime poster ကြည့်ပြီး တွေးလိုက်မယ်ဆိုရင်တော့ ဒီဟာက တွေ့နေကျ villainess/otome anime တစ်ခု၊ မင်းသမီးကို ကိုယ့်တိုင်းပြည်က မင်းသားကကန်ထုတ်လိုက်၊ ပြီးတော့နောက်တစ်နိုင်ငံရောက် မင်းသားနဲ့တွေ့ကြိုက် anime လိုပဲလို့ ထင်စရာရှိပါတယ်။ အမှန်လည်း ဒီဇာတ်လမ်းကလည်း အဲ့ဒီလိုပါပဲ။

ဇာတ်လိုက်မင်းသမီး Marie က အိမ်မှာ အခိုင်းအစေလို နေရတယ်။ တစ်နေ့မှာ နောက်တစ်နိုင်ငံမြို့စားက ဇာတ်လိုက်မင်းသမီးကို မွေးနေ့ပွဲမှာ တွေ့မိပြီး ကြိုက်သွားလေရော။ လက်ထပ်လိုကြောင်းစာပို့တော့ မင်းသမီးနာမည်မမေးလိုက်ရတဲ့အတွက် သူ့အမဖြစ်သူ နာမည်နဲ့မှားပို့မိလိုက်ရော။ အကြောင်းဖန်ချင််တော့ အစ်မဖြစ်သူက အသွားလမ်းမှာမတော်တဆဖြစ်ပြီး အသက်ဆုံးရှုံးသွားတယ်။ မင်းသမီးမိဘတွေက တင်တောင်းတဲ့လက်ဆောင်တွေယူထားပြီးပြီဆိုတော့ ဇာတ်လိုက်မင်းသမီးကို အစားထိုး တစ်ညသာသွားဖော်ဖြေပေးဖို့ လွှတ်လိုက်တာကနေ စတာပေါ့။

နောက်ပိုင်း ဇာတ်လမ်းတွေကတော့ တစ်ခြား otome anime တွေလိုပဲ ဇာတ်လိုက်မင်းသမီးကို မင်းသမီးတစ်ရောက်လို ပြုစုမြှောက်စားကျတာပေါ့။ မတူတာက character execution နဲ့ development ပဲ။ Marie က သူ့အိမ်မှာ အခိုင်းအစေလို နေခဲ့ရတယ်၊ သူ့ကိုသူမလှဘူးလို့ နှိမ်ချခံထားခဲ့ရတယ်။ တစ်နိုင်ငံရောက်ပြီး မင်းသားနဲ့တွေ့ကြိုက်မဟုတ်ဘူး။ သူ့ကိုသူ သူ့အစ်မအစားထိုးလို့ ခံယူထားတာ။ အဲ့လိုတွေကြောင့်လည်း သူ့ကိုလှတယ်လို့ လာပြောရင်လက်မခံနိုင်ဘူး။ နောက်ပိုင်းကျမှ တစ်ဖြေးဖြေး သူအိမ်မှာ အနိုင်ကျင့်ခံနေခဲ့ရမှန်း၊ မင်းသားအမေနဲ့တွေ့ပြီး စကားပြော ငိုတာတွေဖြစ်လာပြီးမှ character တစ်ဖြေးဖြေး develop ဖြစ်လာတာကြည့်လို့ကောင်းတယ်။ အဲ့လို develop ဖြစ်လာတဲ့နဲ့အမျှ မင်းသားနဲ့ ro တာတွေလည်း တစ်ဖြေးဖြေး ပိုများလာပြီး မင်းသားက သူ့ကို ကြိုက်နေတာဖြစ်ကြောင်း၊ သူဟာ သူ့အစ်မ အစားထိုးမဟုတ်ကြောင်းတွေကို လက်ခံလာနိုင်ခဲ့တယ်။

Punch Punch Forever

Sat, 22 Jun 2024 00:00:00 +0000

Punch Punch Forever ကတော့ ဂျပန်နိုင်ငံထုတ် anime တော့မဟုတ်ပါဘူး။ Fan animation series တစ်ခုပါ။ ဒါဆို anime tag နဲ့တင်ရလဲဆိုတော့ သူ့ရဲ့ anime ကို parody ပုံစံမျိုးလုပ်ထားတဲ့ story ကြောင့်မလို့။

Pilot episode ရဲ့ description ထဲမှာ ဒီလိုရေးထားတယ်။

i found this vhs called “Punch Punch Forever” (パンチパンチフォーエバー) in my dads basement in a box labelled “DO NOT OPEN” but he only wrote that on the box because there was a big scary rat in there and the rat bit me when i went to grab the tape and now i’m blind in my left eye. finally got around to digitizing and uploading it though!

Katanagatari: NISIO ISIN ရဲ့လူပြောမများတဲ့ anime

Thu, 04 Apr 2024 00:00:00 +0000

Katanagatari (Sword Tale) ကတော့ NISIO ISIN ရဲ့လူပြော မများတဲ့ series တစ်ခုလို့ပြောလို့ရပါတယ်။ အကြောင်းတွေကတော့ အခုချိန်ထိ တရားဝင် streaming လုပ်လို့မရတာ၊ Blue Ray ပဲဝယ်ကြည့်ရတာတွေ့ကြောင့်လို့ပြောလို့ရပါတယ်။ The Garden of Sinners ထွက်ထွက်ချင်းလိုမျိုးပေါ့၊ ဒါပေမယ့် သူက ၂၀၁၆လောက်မှာ streaming ကြည့်လို့ရတာဆိုတော့ အခုလူအများကြားဖူးနေပါပြီ။

Katanagatari story အပိုင်းကတော့ Monogatari series နဲ့ ရင်းနှီးသူတွေသိတဲ့အတိုင်း စကားပြောအများကြီးနဲ့ပါ။ ဇာတ်အိမ်ကတော့ ထွေထွေထူးထူး မဟုတ်လှပါဘူး။ Shogun ကနေပြီးတော့ သူ့အကြံပေး ကောင်မလေးကို ခိုးယူခံလိုက်ရတဲ့ အစွမ်းထက် ဓါး ၁၂ချောင်းကိုပြန်ယူခိုင်းတာ။ အဲ့ခရီးနှင်ဖို့ မင်းသမီးက ကိုယ်ရံတော်အဖြစ် ဓါးသိုင်းကျွမ်းတဲ့ မင်းသားကိုရှာပြီး သူနဲ့အတူ ဓါးတွေကိုလိုက်ရှာတာပေါ့။

အပိုင်း ၁၂ပိုင်းပဲရှိပါတယ်။ Animation, Art style က တွေ့နေကျပုံစံမျိုးမဟုတ်တဲ့အတွက် ကြိုက်တဲ့လူလည်းရှိသလို မကြိုက်တဲ့လူတွေလည်းရှိပါတယ်။

MyAnimeList မှာ user 200,000နဲ့ 8+ score ရထားတာဆိုတော့ underrated လို့ပြောလို့ရသေးလား။ မြန်မာမှာတော့ ဒီကားအကြောင်း ပြောကျတာမတွေ့မိဘူး။